2017年9月30日 星期六

中藥對對碰: 石菖蒲 & 路路通



石菖蒲
路路通
性味
辛,溫
苦,平
功用
宣化濕濁,開竅豁痰,醒脾開胃
袪風通絡,行氣活血,利水除濕
備註
清爽芳芬
通行十二經
常用量
6 – 10g
10 – 15g
主治
婦人不孕症,輸卵管阻滯者
慢性鼻炎,鼻塞等症
耳聾


2017年9月28日 星期四

中藥對對碰: 蒲黃 & 五靈脂



蒲黃
五靈脂
性味
甘,平
 苦,甘,溫
功用
收斂止血,
行血袪瘀,利尿通淋
 通利血脈,散瘀止痛
備註
辛香行散,
性涼而利
專入血分
善於涼血止血,
活血消瘀
氣味俱厚,
專走血分
功專活血行瘀,
行氣止痛
常用量
6 – 10g
6 – 12g
主治
氣滯血瘀,心腹疼痛諸症
婦女月經不調,痛經,產後惡露不行,子宮收縮不全,少腹疼痛等症


2017年9月27日 星期三

穴來穴對:痔瘡肛門腫痛真尷尬,針灸小腿穴位攪得掂?(清熱解毒消腫篇 - 委中 & 承山)

委中承山呢pair穴位,你會睇到一種合作精神,何解?

因為兩個穴位都喺膝頭以下,又係同屬一條膀胱經,合而用之有同心協力,推波助瀾,接力通經絡嘅作用。


何解委中同承山可以治療肛門疾患呢?
表面睇落明明喺小腿嘅穴位,可以醫Pat Pat?大纜都扯唔埋喎!

即係咁,其實中醫針灸有「局部取穴」亦有「遠端取穴」,委中承山合用醫肛門疾患就係遠端取穴嘅做法啦,咪以為中醫腳痛針腳,Pat Pat有事就針Pat Pat先得架!

況且,委中承山同屬足太陽膀胱經,正因為膀胱經有一條支脈分布到肛門嘅關係,可以彌補到主治肛門局部穴位的不足,咁就可以擴大治療範圍同埋有更好嘅療效啦~


委中
又名血郄,委中央等。

此外,委中係膀胱經的下合穴,所謂「合治內腑」,有助調整膀胱經經氣。

仲有,中醫有云:「腰背委中求」,意思是腰部背部疼痛不適等症狀都可以針委中,話晒膀胱經嘅循行路線都經過腰部背部,委中可以激發經氣以達到治療效果。


點解叫委中?
由於呢個穴位喺膝後膕窩正中,委曲膝關節來取穴,所以叫委中。


點解叫血郄?
郄,有空隙的意思。呢個穴位係膀胱經氣血匯聚的地方,而且血絡豐盛,臨床又常用來放血治病,所以叫血郄。




承山
又名腸山,魚腹等。

大家有睇奧運都知道,跳水同體操運動員比賽時,雙小腿伸到直一直,嗰舊突出小腿肌就係腓腸肌啦~承山穴就係喺腓腸肌下面囉!


點解叫承山?
承,有承受承托的意思。
山,通常係由大堆泥土石頭而成山嶺,形容小腿腓腸肌。
此穴在腓腸肌隆起的肌腹下面,故名承山。


點解叫腸山,魚腹?
呢個穴位喺小腿肚豐肉(腓腸肌)分叉下,豐肉如山突起,好似個魚肚咁,穴位就在其下,所以咪有腸山、魚腹呢兩個別名囉!



委中 & 承山

委中
承山
位置
在膕橫紋中點,在股二頭肌腱與半腱肌肌腱的中間
在小腿後面正中,當伸直小腿或足跟上提時腓腸肌肌腹下出現尖角凹陷處
所屬經絡
膀胱經
膀胱經
備註
下合穴,「合治內腑」
本經經別通於肛門
功效
舒筋活絡,強健腰膝,涼血活血,清熱解毒,消腫止痛
舒筋活絡,通調腑氣,涼血止血,消腫止痛
主治
痔瘡為患,肛門腫痛等症
腰部扭傷諸症
坐骨神經痛,以小腿疼痛為主
腓腸肌痙攣諸症
因飲食生冷不潔,或感受寒邪

2017年9月26日 星期二

中藥對對碰: 三七 & 白及



三七
白及
性味
甘,微苦,溫
苦,甘,澀,微寒
功用
活血散瘀止血,消腫止痛
補肺生肌,收斂止血,消腫生肌
備註
走而不守,以散為主
守而不走,以收為要,質黏而澀
常用量
3 – 10g
3 – 10g
主治
肺組織損傷引起的咯血諸症
吐血 (胃出血),尿血,便血,衄血等症




2017年9月25日 星期一

穴來穴對:俾人激親,條氣唔順,點算?(疏肝調和篇 - 支溝 & 陽陵泉)

條氣唔順,大多數都係俾人激親。中醫認為,一旦情志內傷,肝膽就會失於疏泄,導致氣機不暢,甚至氣鬱化火,可表現為兩脅插刀咁痛,胸悶腹脹,小便不利,大便不通等等。

教大家學下呢兩個穴位,以防俾小人激到紮紮跳~


支溝
又名飛虎。
同飛虎隊冇關架,不過係同手上嘅虎口有關就真。

點解叫飛虎?
由於呢個穴位有一個簡易取穴法:以雙手虎口作交叉,中指尖飛到對側前臂外側就是穴位的位置,所以又名飛虎。

點解叫支溝?
支,有肢的意思,指上肢前臂部位;
溝,因為呢個穴位在手腕後兩條骨之間的凹陷位,兩條手筋之間如溝,所以呢個穴位叫支溝。

支溝有幾好用?
支溝係經火穴,有清利三焦,降火通便的作用。尤其是你谷氣時,有冇試過身體好似塞晒車咁,眼睛赤痛,胸悶腹脹,小便不利,大便不通等症狀呢?

支溝可以清利三焦之氣 (三焦分為上焦、中焦、下焦,簡單黎講,三焦係身體內嘅運輸管道),條氣順晒,冇再塞車,好多身體毛病就會迎刃而解啦!



陽陵泉
又名陽陵、陽之陵泉

點解叫陽陵泉?
由於呢個穴位在小腿外側腓骨小頭前下方凹陷處,腿外側屬陽,腓骨小頭突起個位似一個山陵、陵丘,穴在其下方凹陷部,故稱泉,所以此穴叫陽陵泉。

睇實你肝膽脅肋經筋
陽陵泉係膽經合土穴,本經脈氣所入,又善於治療筋病 (例如跌打損傷,筋骨勞損等等),所以亦係筋之會穴。

另外,陽陵泉以疏調肝膽為主,意思係幫你疏疏肝,以免大動肝火,「辣著」你set肝膽,通常表現為口苦咽乾,頭暈眼花,脅肋疼痛,頭痛失眠等等。



支溝與陽陵泉,分別係手少陽三焦經穴及足少陽膽經穴,認住呢set少陽經穴,希望大家都有所得著啦~


支溝 & 陽陵泉

支溝
陽陵泉
位置
在前臂背側,腕背橫紋中點上3寸,尺骨與橈骨之間
在小腿外側,在腓骨頭前下方凹陷處
所屬經絡
三焦經
膽經
備註
經火穴,本經脈氣所行
合土穴,本經脈氣所入
筋之會穴
功效
調理臟腑,通關開竅,
活絡散瘀,行氣止痛,
清利三焦,通調腑氣,
降逆泄火
和解少陽,疏泄肝膽,
清瀉濕熱,袪除風邪,
舒筋活絡,緩急止痛
主治
兩穴合用有小柴胡湯之功,疏散鬱結,和解少陽,善治少陽病
膽囊炎,慢性肝炎,症見脅肋疼痛者
肋間神經痛
習慣性便秘
婦人月經前乳房脹痛,經行不暢等症

2017年9月24日 星期日

中藥對對碰: 延胡索 & 川楝子



延胡索
川楝子
性味
辛,苦,溫
苦,寒
功用
活血散瘀,
理氣止痛
疏肝泄熱,
解鬱止痛,殺蟲,
行氣止痛
備註
辛散溫通,
入血分氣分,
行血中之氣,
行氣中之血,
善治一身上下諸痛
苦能勝濕,寒能泄熱
苦寒降瀉,清肝火,除濕熱,止疼痛
常用量
6 – 10g
6 – 10g
主治
肝鬱氣滯,肝膽火旺,氣血寒熱凝滯之胸,胃,腹,脅諸症



2017年9月23日 星期六

穴來穴對: 原來,每人身上總會有兩個「Cool池」(袪風止癢篇 - 曲池 & 血海)

咩話?穴位都有名店名咁攪笑?

非也,個穴位叫曲池,唔係叫「Cool池」,哈哈哈!


曲池
又名鬼臣、陽澤。

又係「鬼系列」嘅穴位,皆因曲池係「十三鬼穴」之一,不多解釋。

點解叫曲池?
曲,有屈曲之意。因為取穴時,係要屈曲手肘嘅,而呢個穴位係大腸經合穴,意思係脈氣流注匯合的位置,好似水注入池咁。

曲池有幾好用?
就係曲池係大腸經嘅穴位,筆者會咁樣理解:大腸有份負責排出便便,亦係人體排毒方法之一,透過刺激曲池,可以隨著便便帶走人體濕滯重濁之氣,變左「直腸直肚」!

曲池,確實係一個「痾in One」好用的穴位,讚!

點解叫陽澤?
陽,有氣的意思,況且呢個穴位係屬於手陽明大腸經,即係陽經穴位;
澤,為聚集水流的地方。因此,可理解呢個穴位含有豐富水濕的物質,筆者所以認為,刺激陽澤穴可以利水除濕咁解囉!

大家都知道,香港地好多人都好濕架啦!

OK,大家睇下面幅圖就會搵到自己手上嗰兩個「Cool池」架啦~


血海
一提起呢個穴位,就會有病人問筆者:「有血海,咁有冇深仇呢?哈哈哈!」
嗯。。。深仇穴就冇架啦,氣海穴就有嘅,都係一個幾好用嘅補益穴位,遲D筆者再介紹氣海穴啦~

點解叫血海?
中醫認為,脾為後天之本,氣血生化之源,呢個穴位為脾經脈氣所發,為脾血歸聚之海,且善治血分病証,故稱為血海。

呢個穴位可以用來治療各種婦科疾患,可謂用途較多,例如:月經不調,痛經,閉經,崩漏,經期腹脹等。姊妹們,認住血海啦!

一個反手取血海
自己點搵血海?so簡單呢:
正坐屈膝,將手掌放在對側膝蓋骨(菠蘿蓋)上(即係右手取左側血海;左手取右側血海),掌心對準膝蓋骨頂端,拇指向內側,血海就係喺拇指尖所指嘅位置啦。

就在這個位置:




曲池+血海=慢性蕁麻疹穴位良方
蕁麻疹,俗稱「風癩」,中醫有云「風性善行數變」,風團驟起驟散,發作部位游走不固定,而且痕癢非常,有病人痕到成晚冇得訓。筆者臨床上都會常用呢對穴位,效果不錯,而且疹毒可從大便而解。

當然,治療時亦要配合中藥以收更好的效果啦!

曲池 & 血海

曲池
血海
位置
在肘橫紋外側端,屈肘時,在肱骨外上髁與肘橫紋的連線中點
屈膝時,在大腿內側,髕底(俗稱「菠蘿蓋」)內側端上2寸,在股四頭肌內側頭的隆起處
所屬經絡
大腸經
脾經
備註
合穴,十三鬼穴
脾血歸聚之海,善治血分病証
功效
疏風解表,清熱退熱,調和氣血,通經活絡,利水除濕
袪風清熱,調和氣血
主治
風疹,蕁麻疹諸症
痹証痛症,久病入絡者